شوان كەریم كابان

گەڕانەوە بۆ دواوە، ئاشتی و سەقامگیری لەمەترسیدان

  2020-10-04 20:38      321 جار بینراوە        کۆمێنت

لەپاش رووخانی یەكێتی سۆڤییەت و نەمانی شەڕی سارد! خەڵكی جیهان، هەر هیچ نەبێ خۆش باوەڕەكانی وەك ئێمە، بڕوایان وابوو چیتر شەڕو شۆڕ یەخەی جیهان ناگرێ و ركابەرایەتی رۆژئاوا بەسەرۆكایەتی ئەمەریكاو رۆژهەڵات بەسەرۆكایەتی یەكێتی سۆڤییەت نابێتە هۆی تێكدانی وڵاتان، بەڵام ئەم بۆچوونە راست دەرنەچوو، بەپێچەوانەوە، شەڕو نائارامی بەردەوامبوو، بەڵكو زیاتریش بوو.
شەڕی ئیسرائیل و گروپە چەكدارە ئیسلامییە عەرەب و غەیرە ئیسلامییەكان بەردەوامبوو، رۆژئاوا شەڕی لەیۆگسلافیا هەڵگیرساندو ئەو وڵاتە بوو بەچەند پارچەیەك، یانزەی سێپتەمبەر قاعیدە لەناو ئەمریكا پەلاماری ئەمریكای داو ئەمەش دوو شەڕی گەورەی لێكەوتەوە، شەڕی ئەمریكا لەگەڵ قاعیدەو تالیبان لەئەفگانستان و شەڕی ئەمریكاو عیراق كە بەپرۆسەی ئازادی عیراق ناسراوە، پێشتریش شەڕی ئەرمینیاو ئازەربایجان لەسەر ناگۆرنو كاراباخ. 
ساڵی ٢٠٠٦ شەڕی ئیسرائیل و حیزبوڵڵا لەباشووری لوبنان. ئەمجا ئەو فیلمە دەستی پێكرد كە ناونرا بەهاری عەرەبی و لەڕاستیشدا بەڕای بەندە گەورەترین نەهامەتییە كە بەسەر گەلی ئەو وڵاتانە هاتووە كە بەو بەهارەدا تێپەڕیون و ئەگەر بكرێ بڵیین، ئازارو مەینەتی حوكمی پێشووتر ئەهوەنتر بووە لەوەی ئێستا هەیە، ناهەق ناڵێیین، ئەوە تونس، ئەوە میسر، ئەوە لیبیا كە بۆتە دەپارچەو روسیاو ئەمریكاو سعودییەو توركیاو فەرەنساو ئیمارات و ئیتالیاو قەتەر دەستیان تێخستووە. ئەوە سوریا كە بەهۆی ئەو بەهارە جوانەوە دەیان هەزار كەس كوژراون و دوو هێندەش برینداربوون و چەند ملیۆنێكیش ئاوارەو دەربەدەر بوون و زیاتر لە٤٠٠ ملیار دۆلاریش زەرەر بەو وڵاتە كەوتووەو روسیاو ئەمریكاو فەرەنساو توركیاو سعودییەو ئیمارات و قەتەر دەستیان تێوەرداوەو دەیان هەزار تیرۆریستی هەمە رەگەز روویان تێكردووە. 
هاوكات دروستبوونی سەیرو سەمەرەی داعش و هاتنی بۆ سوریاو عیراق و ئەو هەموو تاوانكارییەی كە كردی، هەروەها هەڵگیڕسانی شەڕی یەمەن كە شەش ساڵە بەردەوامەو ئەمریكاو سعودییەو ئیمارات و ئێران دەستیان تێ وەرداوە دەیان هەزار كەس كوژراوو برینداربوون و كاولكارییەكی فراوانیشی جێهێشتووە. ئێستاش شەڕی ئازەربایجان و ئەرمیینیا. ئەمە جگە لەشەڕی ئابووری نێوان ئەمریكاو چین و ئابڵوقەی ئەمریكا لەسەر روسیاو ڤەنزوێلاو ئێران. هەموو ئەو رووداوانە كە هەندێكیان تێپەڕیون و بەشێكیان بەردەوامن، ئەومان پێ دەڵێن كە دونیا بەرەو دواوە دەگەڕێتەوەو ئاشتی و سەقامگیری لەجیهاندا لەمەترسیدان.

 

وتاری زیاتر

عیراق وڵاتی ئینقیلاب!‬ شوان كەریم كابان
2022-08-30 20:54      116 جار بینراوە

شیمال ئەلعیراق‬ شوان كەریم كابان
2022-08-02 21:59      90 جار بینراوە


بەهیوای دیدار‬ شوان كەریم كابان
2022-06-05 10:14      65 جار بینراوە







راستییەکان ناشاردرێنەوە‬ شوان كەریم كابان
2022-03-12 13:45      127 جار بینراوە



رەوتی سەدر چی دەوێ؟‬ شوان كەریم كابان
2022-02-22 18:57      113 جار بینراوە

ئاسایش بۆ کێ؟‬ شوان كەریم كابان
2022-02-20 16:54      102 جار بینراوە

سلێمانی نزیکترە یان نەجەف؟‬ شوان كەریم كابان
2022-02-05 20:14      108 جار بینراوە

ئاواتەکەی شەھد‬ شوان كەریم كابان
2022-01-08 16:35      120 جار بینراوە


وەرزش وسیاسەت‬ شوان كەریم كابان
2021-12-21 15:14      160 جار بینراوە

میدیای سەدەی بیست و یەک‬ شوان كەریم كابان
2021-12-19 17:32      150 جار بینراوە



نامرن ئەوانە‬ شوان كەریم كابان
2021-11-21 23:07      118 جار بینراوە




هەڵبژاردن وگومانەكان!‬ شوان كەریم كابان
2021-10-21 22:09      105 جار بینراوە




نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو