د.سەردار عەزیز

عیراق و ئەمریکا: کۆتایی پشوو؟

  2020-09-27 15:03      248 جار بینراوە        کۆمێنت

دۆخی عیراق شل و شلۆقە. چەند رووداوێک روویاندا، ئایا چی دەگەیەنن، چیمان پێدەڵێن، چی بەدوایاندا دێت؟
کاتی هاتنی کازمی ئەمریکا بۆ ماوەی ١٢٠ رۆژ رووخسەتی کڕینی وزەی لەئێران بۆ درێژکردەوە. بەڵام ڕۆژانی ڕابوردوو لە گەڵ کۆتایی ئەو ١٢٠ ڕۆژەدا، تەنها بۆ دوو مانگ درێژی کردەوە. هەندێک ئەمە بەفشارو هەندێکی تر بەنەمانی پشوو ئەمریکا دەخوێننەوە.
رووداوی دووەم، تەلەفۆنی پۆمپیو بوو لەگەڵ سەرۆک کۆماردا. لە تەلەفونەکەدا، وەک ئاشکرا کراوە، پۆمپیو هەڕەشەی ئەوەی کردووە کە ئەگەر هێرشی سەر شاندە دیپلۆماسی و ناوەندە دیپلۆماسییەکان بەردەوام بێت، ئەوا ناچارن باڵوێزخانەکەیان دابخەن و بکشێنەوەو دەستبکەن بەلێدانی ئەو هێزانە.
ئەم هەڕەشەیەی پۆمپیو وەها دەردەکەوێت لەلایەن هێزە میلیشیاییەکانەوە بەهێند وەرگیرابێت، هەر خێرا سەدر تویتێکی کردو خۆی لەپرسەکە بەدوورخستەوەو سەرەکۆنەی هێرشی سەر دیپلۆماتانی کرد. تەنانەت عامریش بەهەمان ئاواز خوێندی. ئایا ئەم گۆڕانە خێرایە، یارییەکە بۆ خۆپاراستن لەغەزەبی ئەمریکاو هەڵمژینی توڕەیی و تێپەڕاندنی دۆخەکە؟ یان هێزە میلیشییاکان بە جیددی هەست بەمەترسی دەکەن؟ ڕەنگە تێکەڵەیەک بێت لەهەردووکیان. بە تایبەتی لای شیعە بەبوونی تەقییە، شاردنەوەی نییەت هیچ کێشەیەک نییە. 
لەئەمریکا چاودێرانی عیراق هەڕەشەکەی پۆمپیو بەجیاواز دەبینن. مایکڵ نایت بەهەڵەی دەبینێت و وەک دیارییەک دەیخوێنێتەوە کە بەهێزە میلیشیاییەکان درابێت. ئەو بەسرە بەبیر هەمووان دەهێنێتەوە کاتێک ئەمریکا لەبەر هەڕەشە بەردەوامەکان ناچاربوو کونسوڵخانەکەی دابخات، بەڵام نەبووە هۆکاری هیچ گۆڕانکارییەکی بەرەوباشە لەو شارەدا.
مایكڵ ڕۆبن بەهەمانشێوە، کشانەوە بەهەڵە دەزانێت، بەڵام توندبوونی هەڵوێستی ئەمریکا بەباش دەزانێت و دۆخی عیراق بەهاوشێوەی پەنەمای سەردەمی بۆشی باوک لەقەڵەم ئەدات. بەجۆرێک کە گرتن و راودونانی سیاسییە عیراقیەکان ببیتە بەشێک لەپلانی ئەمریکا. لەهەمانکاتدا هەردوو عامری و مالکی لەکازمی نیگەرانن و ئامادەی دانیشتنەکەی نەبوون لەکۆشکی زەقورە. 
خوێندنەوە:
دەربڕینی ناڕەزایی و تووڕەیی و ئاماژەدان بەکشانەوە، رەنگە وەها لەلایەن هێزە شیعیەکانەوە بخوێندرێتەوە کە کارەکانیان بەرهەمی هەبووەو ئەمریکا باس لەکشانەوە دەکات و پشووی بەرەو کۆتایی دەچێت. ئەوانیش پلانی ئەوەیان هەبوو کە ئەمریکا چۆن هەراسان بکەن.
لەهەمانکاتدا، ئێستا ڕەنگە پرسەکە ئەوەبێت کە ئایا کشانەوە بەزیانەوە دەبێت یان چۆن دەتوانرێت زیانەکانی کەمبکرێتەوە؟ 
هەموو ئەمانە کاتێک روودەدەن کە ئیدرارەی ترەمپ کەمتر لەدوو مانگی ماوەو ئەگەری روودانی موعجیزە کەمە. هەرچەندە روویداوە کە لەنزیک بەئەنجامدانی هەڵبژاردن موعجیزە روویداوە. بۆ نموونە بڵاوکردنەوەی ئیمەیڵەکانی هیلەری لەمانگی دەی پێش هەڵبژاردن زیانێکی گەورەی لێدا. ئایا کارێکی وەها روودەدات، ئایا دانانی دادوەری دادگای فیدڕالی هەنگاوێکی وەها دەبێت؟؟ یان هەرچەندە لەکۆمیدیا دەچێت، ترەمپ نیازی هەیە کۆشکی سپی بەجێنەهێڵیت، هەرچەندە کۆمارییەکان ئاگادارییان لەوبارەوە پێدا.
رووداوێکی تری گرنگ گۆڕینی سیستەمی هەڵبژاردنی عیراقە. ئەم گۆڕینە هەندێک وەهای لێکدەداتەوە کە دەبێتە هۆی گۆڕانکاری کەسایەتیەکانی ناو سیاسەتی عیراقی و هەندێکی تریش زۆر لەوە سووکتر دەیبینێت، بەتایبەتی یاری زۆری ساختەو گزی لەئارادایە.

 

وتاری زیاتر

بۆ کۆچ؟‬ د.سەردار عەزیز
2021-11-13 21:32      117 جار بینراوە


بۆچی سەربەخۆکان سەرنەکەوتن؟‬ د.سەردار عەزیز
2021-10-16 17:57      125 جار بینراوە

قەیرانەکانی خێزانی کوردی‬ د.سەردار عەزیز
2021-09-16 13:36      199 جار بینراوە

ناین ئیلێڤن ٩١١‬ د.سەردار عەزیز
2021-09-11 17:27      747 جار بینراوە


کۆمیونیزم و جیهادیزم لەگوند‬ د.سەردار عەزیز
2021-08-27 11:18      146 جار بینراوە

کەوتنی کابول ‬ د.سەردار عەزیز
2021-08-16 19:04      565 جار بینراوە



تڕەکەڵەکی کازمی‬ د.سەردار عەزیز
2021-07-24 15:40      411 جار بینراوە

تارماییەکانی مەکگۆرک‬ د.سەردار عەزیز
2021-07-17 19:27      757 جار بینراوە


ئەردۆگان و یاریی کورد‬ د.سەردار عەزیز
2021-07-10 17:15      404 جار بینراوە

پاش ئەوروپا‬ د.سەردار عەزیز
2021-07-10 10:08      229 جار بینراوە


بایدن و ئەردۆگان پاش دیدار‬ د.سەردار عەزیز
2021-06-18 13:53      134 جار بینراوە

بایدن و ئەردۆگان‬ د.سەردار عەزیز
2021-06-09 10:10      195 جار بینراوە



ئایا خاکی کوردستان فرۆشراوە؟‬ د.سەردار عەزیز
2021-06-02 18:57      178 جار بینراوە

جەمشیدو مەعریفەی بێ رێچکە‬ د.سەردار عەزیز
2021-05-31 14:48      259 جار بینراوە

نەفرەتی بێدەوڵەتیی!‬ د.سەردار عەزیز
2021-05-29 17:57      169 جار بینراوە

ئایا مەترسی لەئارادایە؟‬ د.سەردار عەزیز
2021-05-22 17:55      174 جار بینراوە


دەستوورێک بۆ هەرێم؟!‬ د.سەردار عەزیز
2021-05-10 14:31      197 جار بینراوە

سەما لە سەردەمی بازاڕدا‬ د.سەردار عەزیز
2021-05-03 15:14      174 جار بینراوە

بایدن و جینۆسایدی ئەرمەنی؟‬ د.سەردار عەزیز
2021-05-01 16:30      151 جار بینراوە

قەیرانی گەشە لە کوردستان‬ د.سەردار عەزیز
2021-04-26 18:41      264 جار بینراوە


نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو