د.سەردار عەزیز

گەوجاندنی پۆستمۆدرێن

  2020-06-17 19:23      293 جار بینراوە        کۆمێنت

رەنگە لەکوردستان ناوی کامبیریدج ئەنالیتیکا هێندە ناسراو نەبێت. بەکورتی کامبریدج ئەنالیتیکا ناوەندێکی شیکاری بوون کە پشتیان بەلایکی فەیسبووک دەبەست بۆئەوەی پرۆفایلی دەروونی یان سایکۆلۆجی کەسەکان دیاریبکەن و لەڕێگایەوە بتوانن هەست و سۆزو کرداریان ئاراستە بکەن.
کەواتە فەیسبووک ئەو پانتاییە کە زیاتر لەهەموو جێگایەکی تر، لەدونیای ئەمڕۆدا، مرۆڤەکان ئەوەی لەخۆیاندا پەنهانیانداوە دەریدەبڕن. هەڵسوکەوتی مرۆڤ لەسەر فەیسبووک زۆر جیاوازە لەهەڵسوکەوتی لەژیانی رۆژانەدا. جارێکیان لەسلێمانی ڕۆشتمە کافێیەک، کەسێک کە لەفەیسبووک جنێوی پێئەدام، لەوێ پارەی کۆفیەکەی بۆدام.
مەبەستم لەم ڕاوە ڕێویە ئەمەیە. ئەمڕۆ لەکوردستان فەیسبووک بەکاردێت بۆ ئاراستەکردنی خەڵکێکی زۆر لەڕووی دەروونییەوە. ئەگەر بەوردی تەماشا بکەیت دەبینیت دیاردە بەدوای دیاردەدا دێت، هەر چەند هەفتەیەک یان مانگێک، لەنێوان دیاردەیەک و دیاردەیەکی تردا هەیە.
بۆ نموونە هەر لەم ماوەیەدا، ماوەیەک باسی لامەرکەزی بوو، پاشان هەڵبژاردنی پێشوەخت، ئینجا ڕووخانی حکومەت، ئێستا گواستنەوەی مووچە بۆ بەغدا. هەموو ئەمانە کەمپەین نین بۆ کردارێک، ئامانجیان ئەوە نییە ئەوەی کە دەوترێت بکرێت، بەڵکو تەنها یاری دەروونین بەخەڵک دەکرێن.
وەک چۆن کامبریدج ئەنالیتیکا، پرۆفایلی بۆ لایکەران دروست دەکردو بۆ مەبەستی دەنگدان هەوڵی دەدا کە ئاراستەیان بکات، لەکوردستانیش بەجۆرێک لەو جۆرەیە. وەک دەردەکەوێت ئەو شتانەی کە دەوروژێنرێت، ئامانج ئەنجامدانیان نییە، بەڵکو دەزانرێت کە دەروونی خەڵکی دەهەژێنێت و زیاتر تووڕەو بێزارو نائومێدو ملکەچی دەکات.
ئێستا دەبێت لای خەڵك روون بێت کە تەمەنی ئەم دیاردە فەیسبووکیانە چەندە، بۆچی دەکرێن، بۆ پاش ماوەیەک کەس باسی ناکات؟؟؟
هەموو کەس دەزانێت کە بەغدا مووچە نادات، نە بەفەرمانبەر، نە بەهیچ شوێنێکی تر، ئەمە لەسەردەمی عەبادیدا بەعەمەلی تاقیکرایەوە. بەڵام دەوروژێنرێتەوە، چونکە خەڵك وەها دەستەمۆکراوە نازانێت چی واقیعیەو چی پڕوپاگەندەو چی یاری دەروونییە.
ئەم دۆخە کۆمەڵێک بواری ئاڵۆز دەوروژێنێت کە لێرەدا ناتوانین بەوردی باسیان لێوە بکەین. یەکەم، هەرکەسێک ئەو شتەی گوت کە لەناخی تۆدایە، مەرج نییە دۆستت بێت، دەبێت لەنیازو یاری و ئامانجەکە بنواڕیت. دووەم، دەمێکە وتراوە، راستییەکە بەڵام ئامانجەکەی ناڕەوایە، ئەمەش بەهەمانشێوە، هەمیشە لەئامانج بنواڕە. سێیەم، شتێک نییە ناوی مرۆڤی قوربانی بێت، بیرمەندە جولەکەکان بەئازاری زۆرەوە کاریان لەسەر ئەم بوارە کردووە. بۆ نموونە تێزی گوێ بگرە پیاوی بچووک، ئەمڕۆ بۆ کوردستان زۆر گونجاوە. مرۆڤی سادە لەڕێگای ڕێگەپێدان بەوەی ئەوانیتر فریوی بدەن دەبێتە کەسێکی تاوانبار. 
لێرەدا سادە دەکرێت مامۆستایەکی زانکۆ بێت، یان دادوەرێک بێت، یان بیرۆکراتێکی گەورە. ئایکمان ئەو کەسەیە کە هانا ئارێنت ئەم تێزەی لەسەر بونیاد دەنێت. ئایکمان کەسێک بوو دەیویست کارەکانی بەوپەڕی باشییەوە ئەنجامبدات، کارەکەشی گواستنەوەی جولەکە بوو لەڕێگای شەمەندەفەرەوە بۆ کامپەکان. ئایکمان کەسێک بوو کە تەنها رۆژنامەی دەخوێندەوە. وەک ئەمڕۆ کەسێک تەنها لەفەیسبووک یان تەلەفزیون بنواڕێت بۆ ئەوەی لەدونیا تێبگات.
هیچ ساتێک لەمێژووی مرۆڤایەتیدا هێندە داتا لەبەردەستتدا نەبووە، هیچ ساتێکیش هێندەی ئێستا فریودانی مرۆڤەکان ئاسان نەبووە. دونیا ئاڵۆزە، لەم سەردەمەدا زۆر زۆر ئاڵۆزترە.

وتاری زیاتر

بۆ کۆچ؟‬ د.سەردار عەزیز
2021-11-13 21:32      117 جار بینراوە


بۆچی سەربەخۆکان سەرنەکەوتن؟‬ د.سەردار عەزیز
2021-10-16 17:57      125 جار بینراوە

قەیرانەکانی خێزانی کوردی‬ د.سەردار عەزیز
2021-09-16 13:36      199 جار بینراوە

ناین ئیلێڤن ٩١١‬ د.سەردار عەزیز
2021-09-11 17:27      747 جار بینراوە


کۆمیونیزم و جیهادیزم لەگوند‬ د.سەردار عەزیز
2021-08-27 11:18      146 جار بینراوە

کەوتنی کابول ‬ د.سەردار عەزیز
2021-08-16 19:04      565 جار بینراوە



تڕەکەڵەکی کازمی‬ د.سەردار عەزیز
2021-07-24 15:40      411 جار بینراوە

تارماییەکانی مەکگۆرک‬ د.سەردار عەزیز
2021-07-17 19:27      757 جار بینراوە


ئەردۆگان و یاریی کورد‬ د.سەردار عەزیز
2021-07-10 17:15      404 جار بینراوە

پاش ئەوروپا‬ د.سەردار عەزیز
2021-07-10 10:08      229 جار بینراوە


بایدن و ئەردۆگان پاش دیدار‬ د.سەردار عەزیز
2021-06-18 13:53      134 جار بینراوە

بایدن و ئەردۆگان‬ د.سەردار عەزیز
2021-06-09 10:10      195 جار بینراوە



ئایا خاکی کوردستان فرۆشراوە؟‬ د.سەردار عەزیز
2021-06-02 18:57      178 جار بینراوە

جەمشیدو مەعریفەی بێ رێچکە‬ د.سەردار عەزیز
2021-05-31 14:48      259 جار بینراوە

نەفرەتی بێدەوڵەتیی!‬ د.سەردار عەزیز
2021-05-29 17:57      169 جار بینراوە

ئایا مەترسی لەئارادایە؟‬ د.سەردار عەزیز
2021-05-22 17:55      174 جار بینراوە


دەستوورێک بۆ هەرێم؟!‬ د.سەردار عەزیز
2021-05-10 14:31      197 جار بینراوە

سەما لە سەردەمی بازاڕدا‬ د.سەردار عەزیز
2021-05-03 15:14      174 جار بینراوە

بایدن و جینۆسایدی ئەرمەنی؟‬ د.سەردار عەزیز
2021-05-01 16:30      151 جار بینراوە

قەیرانی گەشە لە کوردستان‬ د.سەردار عەزیز
2021-04-26 18:41      264 جار بینراوە


نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو